शेवटी आई ती आईच
शेवटी आई ती आईच
आहे त्या स्थितीमध्ये राहून,
अनवाणी फिरून लेकरांच्या
पोटाची खळगी भरण्यासाठी,
आई वणवण भटकत होती.
चोचीत, झोळीत मिळेल
ते अन्न घेऊन बछड्यांसाठी
माघारी फिरत होती...
शेवटी आई ती आईच आहे!!
जेव्हा ती लहान होती,
तेव्हा तिच्या आईबापांनी
तिला परघरी दिली.
डोळे पुसून सासरी गेली,
सर्व विसरून राबू लागली.
प्रेमाचा मिलाप झाला
आणि माझा जन्म झाला.
नऊ महिने, नऊ दिवस
पोटी माझा सांभाळ केला.
पोटातील काळजाला तिने
वेदना होऊ नाही दिल्या...
शेवटी आई ती आईच आहे!!
पोटात असताना अंगाई गाई,
भजन म्हणी; मी आतल्या आत
गुणगुणत राही.
दिवस भरल्याने तिच्या साक्षीने
मी हे विश्व पाहिले...
शेवटी आई ती आईच आहे!!
मोठा होईपर्यंत माया,
प्रेम देत होती,
मार्ग दाखवत होती.
समजदार झाल्यानंतर
तिला विसरून जाई;
आईबापांना उघड्यावर ठेवूनही
तरीपण तिची माया
माझ्यावरच राही...
शेवटी आई ती आईच राही!!
आई चिमणीही आहे,
गाईही आहे
आणि एक कष्टकरी बाईही आहे.
कित्येक अशा आया आहेत,
त्यांच्या सर्वांच्या
पिल्लांवर माया आहेत.
पिल्लांना सांभाळताना
त्यांचं अख्खं आयुष्य जळून जाई...
शेवटी आई ती आईच आहे!!
लहानाचं मोठं केलं
माय-बापाने,
मुलासाठी सर्वस्व दिलं.
मात्र त्यांनाच वृद्धाश्रम दाखवलं
असं वागणं बरं नाही;
त्यामुळे जीवनात विघ्न राही.
शेवटी मायबाप
खरे देवालय,
खरे मायालय!!
कवी : सुदाम मदगे (किवळे, वडगाव मावळ)
*खूपच सुंदर व अप्रतिम कविता आई या प्रेमळ व मायाळू नात्यावर लिहिली आहे. आई म्हणजेच साई.. आई म्हणजेच प्रेम.. आई म्हणजेच जीवनाचा आधार.. आई ग म्हणजेच वेदना सहन करण्याची ताकद , आई म्हणजेच जीवनाच्या श्वास.. आई म्हणजे जिच्या कुशीमध्ये आनंद व समाधान लपलेला आहे... आई म्हणजे जीवनाच्या श्वास.. आदरणीय सुदाम मदगे साहेब... खूप खूप धन्यवाद खूप सुंदर कविता आपण या ग्रुपमध्ये पोस्ट केल्याबद्दल...*
उत्तर द्याहटवासंकेत.... नगरसेवक... मीरा भाईंदर
👌👌👏👏❤️❤️🥰🥰🙏